Økonomiske og biologiske nøkkeltal frå dei norske fiskeria 2021

Abstract

Fiskeria si rolle som verdiskapar i norsk næringsliv har stor merksemd. For at fiskeria skal fylle denne rolla også i framtida, er det viktig at ein haustar fiskebestandane optimalt samstundes som norske fiskarar får ein rettvis del av bestandar som vi forvaltar saman med andre land. Vidare er det naturleg nok heilt sentralt at verdien av den fisken som vert henta ut av havet kan aukast samstundes som fangstkostnadene vert redusert. Vi får ofte spørsmål om korleis vi forventar at verdiskapinga frå fisket vil bli i framtida. Dette er det vanskeleg å seie noko eksakt om, men ved å studere fortida kan vi i alle høve sjå om det finnes trendar eller utviklingslinjer i dei tilhøva som påverkar verdiskapinga. Innleiinga gir ei oversikt over korleis heftet er sett saman.